Venand giù da Busca 'nvers Vila,
giusta passà San Vital,
compagnà da doi rivass
neir e umbros d'albre e 'd ghërzie,
'ncontravis 'n bel biarlass bërboton,
ca, costegiand via Traversagna,
a fasia 'dcò da confin ai doi comun:
'l bial dla Roncaja.
Che fin l'han fate fè
mia pòura Roncaja?
Veniis giù da "la bassa",
e visitand tuti i saraj,
pasavis frësca e rumorosa
darè 'd cassina dij Frà,
ai Tre Paloch 't biforcavis
per portè l'eva 'd bialage
a la tera 'd Santa Cristina
e giù findi a la Gerbola.
A l'è passaje la ruspa del progress
a la tajà, capolà, gaspà, sotrà,
coatà doi tubo e... pi niente.
Oh mia pòura Roncaja,
't ciama perdon un ca da maraja
a coria 'nvers ti coma 's cor 'nvers cà,
e adess 't varda e piuca,
coma 'n passarot
ca l'han campaje giù la nià
Mario e Franco
Nessun commento:
Posta un commento